बिझनेसनामा ऑनलाईन । जगात कोणी काय करून पैसे कमावेल याचा नेम नाही. सध्या अनेकजण नवनवीन बिझनेस आयडिया शोधत असतात. मात्र अतिशय छोट्या वस्तूंच्या विक्रीतूनही अफाट पैसे कमवता येतात. आज आम्ही तुम्हाला अशाच एका जगातील सर्वाधिक श्रीमंत व्यक्तीविषयी सांगणार आहोत. विशेष म्हणजे लिपस्टिक अन परफ्युम विकून तो आता जगातील सर्वाधिक श्रीमंत व्यक्तींच्या यादीत आला आहे. (Forbes’ Richest List 2023)
काही दिवसांपूर्वीच Forbes ने जगातील सर्वाधिक श्रीमंत व्यक्तींची यादी जाहीर केली. यामध्ये बर्नाड अरनॉल्ट (Bernard Arnault) या नावाने अनेकांच्या भुवया उंचावल्या. कारण अरनॉल्ट हे लिपस्टिक अन परफ्युम विकणाऱ्या कंपनीचे मालक आहेत. एखादा व्यक्ती केवळ लिपस्टिक सारख्या किरकोळ गोष्टी विकून जगातील सर्वाधिक श्रीमंत कसा बनू शकतो असा अनेकांना प्रश्न पडला आहे.
बर्नार्ड अरनॉल्ट यांचा व्यवसाय नक्की काय? (Bernard Arnault Business)
बर्नार्ड यांची LVMH नावाची फॅशन आणि कॉस्मॅटिक कंपनी आहे. त्यांचे एकूण ७५ ब्रँड आहेत. सुमारे 35 वर्षांपूर्वी, बर्नार्ड अर्नॉल्ट या एक फ्रेंच रिअल इस्टेट आणि टेक्सटाईल टायकून असणाऱ्या व्यक्तीला अनेक लक्झरी ब्रँड्सचे मालक असणारे समूह तयार करण्याची कल्पना सुचली. लुई व्हिटॉन ब्रँडचे अध्यक्ष हेन्री रेसेमियर सोबत आल्यावर बर्नार्ड यांचे स्वप्न साकार झाले. हा लुई व्हिटॉन मोएट हेनेसीमध्ये विलीन झाला आणि नंतर LVMH गट तयार केला. सध्या या गटाची कमान बर्नार्ड अर्नॉल्ट आणि कुटुंबाकडे आहे, ज्यांच्या मूल्यांकनामुळे तो आता जगातील सर्वात श्रीमंत व्यक्ती बनला आहे.
TikTok अन Netflix मध्ये देखील गुंतवणूक
बर्नार्ड अर्नॉल्टची कंपनी LVMH कडे सध्या सुमारे 75 लक्झरी फॅशन आणि कॉस्मेटिक ब्रँड आहेत. यात लिपस्टिक, मेकअप, कपडे, परफ्यूम, वाइन, बॅग, घड्याळे आणि दागिने या सर्व मोठ्या ब्रँड्स आहेत. त्याच वेळी, बर्नार्ड अर्नॉल्ट हे TikTok च्या मूळ कंपनी ByteDance आणि Netflix मध्ये एक उद्यम भांडवलदार म्हणून गुंतवणूकदार आहेत.
बर्नाड अरनॉल्ट यांचे वडील त्यांच्या काळात सिव्हिल इंजिनिअरिंग कंपनीचे मालक होते. बर्नार्ड अर्नॉल्टनेही अभियांत्रिकीचे शिक्षण घेतल्यानंतर वडिलांसोबत काम करण्यास सुरुवात केली. त्यांनी वडिलांच्या व्यवसायाला नवी दिशा देण्यास सुरुवात केली. तसेच त्यांनी वडील जीन लिऑन अर्नॉल्ट यांना रिअल इस्टेटमध्ये काम करण्यास राजी केले.
1971 ते 1984 पर्यंत बर्नार्ड अर्नॉल्ट रिअल इस्टेटमध्ये काम करत राहिले. यानंतर, 1984 मध्ये जेव्हा त्यांना ख्रिश्चन डायर ताब्यात घेण्याची ऑफर मिळाली तेव्हा त्यांना कापड व्यवसायात मोठे यश मिळाले. यानंतर त्यांनी 1987 मध्ये एलव्हीएमएचची स्थापना केली. 1988 मध्ये Céline विकत घेतली, त्याच वर्षी फ्रेंच फॅशन डिझायनर ख्रिश्चन लॅकोइक्सने त्याच्या कपड्यांचा ब्रँड सेट करण्यास मदत केली. 1993 मध्ये, बर्लुटी आणि केन्झो सारखे ब्रँड विकत घेतले. फोर्ब्सच्या मते, जानेवारी २०२१ मध्ये, त्याच्या गटाने अमेरिकेच्या दागिन्यांचा ब्रँड टिफनी अँड कंपनीचे नवीनतम अधिग्रहण केले.
$211 अब्ज मालमत्तेचे मालक (bernard arnault net worth)
228.7 अब्ज डॉलर्सचा मालक असलेल्या बर्नार्ड अर्नॉल्टच्या संपत्तीत 2020 नंतर झपाट्याने वाढ झाली. त्या वर्षी त्यांची संपत्ती फक्त $76 अब्ज होती. 2021 मध्ये ते $150 अब्ज, 2022 मध्ये $158 अब्ज झाले आणि मार्च 2023 पर्यंत ते $211 अब्ज मालमत्तेचे मालक आहेत. बर्नार्ड अर्नॉल्टची संपत्ती $ 50 बिलियनने वाढली, तेव्हाच तो एलोन मस्कला सोडून जगातील सर्वात श्रीमंत व्यक्ती बनला. इलॉन मस्क यांच्या संपत्तीत 39 अब्ज डॉलरची घट झाली असून आता 180 अब्ज डॉलर्सच्या संपत्तीसह ते जगातील दुसऱ्या क्रमांकाचे श्रीमंत व्यक्ती आहेत.
अर्नोल्ट यांच्या व्यवसायातील यशामागे का कारण आहे?
मित्रांनो आपण अनेकदा व्यवसाय करताना खूप काही तरी मोठे करण्याच्या भानगडीत पडतो. मात्र त्यापूर्वी सदर व्यवसायाचा आवका किती मोठा आहे? मागणी किती आहे? किती दिवस तो व्यवसाय टिकू शकेल याबाबत जास्त खोलात विचार केला जात नाही. अरनॉल्ट यांनी फॅशन आणि कॉस्मॅटिक हे क्षेत्र निवडले तेव्हा त्यांना माहिती होते कि या क्षेत्रात कायम मागणी राहणार आहे.
जोपर्यंत माणूस जिवंत आहे तोवर तो स्वतः चांगला दिसावा यासाठी प्रयत्न करत राहणार आहे. शिवाय लिपस्टिक, घड्याळ, परफ्युम या वस्तू देखील आकाराने अतिशय लहान आहेत. त्यामुळे परदेशात त्या पाठवणे सोपे असून यातून अधिक नफा कमावता येऊ शकतो हे अरनॉल्ट यांनी हेरले. यामुळेच ते त्यांच्या व्यवसायात यशस्वी होऊ शकले.
