LIC Ratna Policy : लाइफ इन्शुरन्स कॉर्पोरेशन ऑफ इंडिया (LIC) ही भारतातील सर्वात जुनी आणि सर्वात मोठी विमा कंपनी आहे. एलआयसीच्या अनेक वेगवेगळ्या पॉलिसी तुम्ही ऐकल्या असतील. मात्र आज आम्ही तुम्हाला अशा एका खास LIC Policy बाबत माहिती देणार आहोत ज्यातून सर्वसामान्य माणूस मोठा फायदा कमावू शकतोय. एलआयसी रत्न पॉलिसी सध्या अनेक कारणांमुळे चर्चेत आहे. रत्न पॉलिसी नक्की काय आहे हे आम्ही या अपडेटमध्ये तुम्हाला सांगणार आहोत.
काय आहे LIC Ratna Policy?
ही एक नॉन-लिंक्ड, गैर-सहभागी, वैयक्तिक बचत जीवन विमा योजना आहे. LIC रत्न पॉलिसी हमी बोनस देते. या पॉलिसीमध्ये 5 लाख रुपये गुंतवून, गुंतवणूकदारांना मॅच्युरिटीवर 50 लाख रुपये मिळू शकतात. म्हणजे प्रारंभिक ठेव रकमेच्या तब्बल दहापट परतावा या पॉलिसी मधून ठेवीदारांना मिळू शकतो. म्हणूनच हि पॉलिसी सर्वसामान्यांमध्ये सध्या चर्चेत आहे. या पॉलिसीच्या सर्वात महत्त्वाच्या वैशिष्ट्यांपैकी एक म्हणजे यासाठी एक लहान प्रीमियम भरण्याची मुदत आवश्यक आहे आणि गुंतवणूकदारांना मुदतपूर्तीवर बोनस मिळण्याची हमी आहे.
प्रीमियम कसा भरायचा?
पॉलिसीधारकाकडे किमान 5 लाख रुपयांची विमा रक्कम असणे आवश्यक आहे. या योजनेत गुंतवणूक करण्याचे किमान वय 90 दिवस आहे तर कमाल वय 55 वर्षे आहे. गुंतवणूकदार त्यांच्या सोयीनुसार मासिक, त्रैमासिक, सहामाही किंवा वार्षिक आधारावर प्रीमियम भरू शकतात.
पॉलिसीची मुदत 15, 20 आणि 25 वर्षांच्या पर्यायांमध्ये उपलब्ध आहे. निवडलेल्या मुदतीच्या आधारावर प्रीमियम पेमेंट कमी कालावधीसाठी केले जाते. उदाहरणार्थ, 15 वर्षांच्या मुदतीची निवड करणार्‍या गुंतवणूकदारांना 11 वर्षांसाठी प्रीमियम भरावा लागेल, तर 20 वर्षांच्या मुदतीची निवड करणार्‍यांना 16 वर्षांसाठी प्रीमियम भरावा लागेल आणि 25 वर्षांच्या मुदतीची निवड करणार्‍यांना 21 वर्षे प्रीमियम भरावा लागेल.
फक्त 166 रुपये भरून 9 लाख कमवा
LIC आपल्या चांगल्या रिटर्न्समुळे सर्वसामान्यांच्या मनात राज्य करते. आता याच योजनेचे पहा, जर तुम्ही 15 वर्षांसाठी 5 लाख रुपयांचा विमा काढला तर त्याबदल्यात तुम्हाला जवळपास 9,00,000 रुपये मिळू शकतात. यासाठी गुंतवणूकदारांना किमान मासिक प्रीमियम 5,000 रुपये भरावे लागतील. म्हणजेच याकरता दिवसाला फक्त 166 रुपयांच्या बचतीवर तुम्ही या पॉलिसीमधून मॅच्युरिटीवर 50 लाख रुपये मिळवू शकता.
योजनेची प्रमुख वैशिष्ट्ये पहा:
- मृत्यू लाभ (Death Benefit)
या योजनेमध्ये जर विमा सुरु असताना विमाधारकाचा मृत्यू झाला तर त्यास LIC कडून चांगला परतावा देण्यात येतो. यामध्ये मूळ विमा रकमेच्या 125 टक्के किंवा वार्षिक प्रीमियमच्या सात पट इतकी रक्कम विमाधारकाच्या नातेवाईकांना देण्यात येते.
- सर्व्हायव्हल बेनिफिट (Survival Benefit)
जर योजनेचा कालावधी 15 वर्षे असेल तर विमा कंपनी प्रत्येक 13व्या आणि 14व्या पॉलिसी वर्षाच्या शेवटी मूळ विम्याच्या रकमेच्या 25 टक्के रक्कम विमाधारकाला देईल. तसेच योजनेचा कालावधी 20 वर्षांच्या मुदतीचा असल्या LIC प्रत्येक 18 व्या आणि 19 व्या पॉलिसी वर्षांच्या शेवटी मूळ विमा रकमेच्या 25 टक्के रक्कम विमाधारकास देईल.
- परिपक्वता लाभ (Maturity Benefit)
आपल्या विमा रत्न ब्रोशरमध्ये, एलआयसीने अधोरेखित केले आहे की मुदतपूर्तीच्या निर्धारित तारखेपासून हयात असलेल्या लाइफ अॅश्युअर्डवर, पॉलिसी अंमलात असल्यास, जमा झालेल्या गॅरंटीड अॅडिशन्ससह “मॅच्युरिटीवर विमा रक्कम” देय असेल.
- हमी जोडणी (Guaranteed Additions)
यामध्ये 1 ते 5 वर्षापर्यंत 50 रुपये प्रति 1000 मूळ विमा रकमेचा समावेश आहे. 6व्या ते 10व्या पॉलिसी वर्षापर्यंत, LIC प्रत्येक रु. 1000 मूळ विम्याच्या रकमेसाठी 55 रुपये देईल आणि 11 व्या ते 25 व्या पॉलिसी वर्षात प्रति 1000 मूळ विमा रकमेवर हमी जोडणी 60 रुपये होईल.
इन-फोर्स पॉलिसी अंतर्गत पॉलिसीधारकाचा मृत्यू झाल्यास, मृत्यूच्या वर्षात गॅरंटीड जोडणी पूर्ण पॉलिसी वर्षासाठी असेल. पेड-अप पॉलिसीच्या बाबतीत किंवा पॉलिसी सरेंडर केल्यावर, ज्या पॉलिसी वर्षात शेवटचा प्रीमियम प्राप्त झाला आहे त्या वर्षासाठी गॅरंटीड बेरीज त्या वर्षासाठी मिळालेल्या प्रीमियमच्या प्रमाणात देण्यात येईल.
