बिझनेसनामा । अनेकांना स्वतःचा व्यवसाय (Business) सुरु करायचा असतो. मात्र पैशांच्या अडचणींमुळे ते शक्य होत नाही. तसेच प्रत्येकालाच व्यवसाय सुरू करण्यासाठी मोठे भांडवल गुंतवता येणे शक्य नसते. अशा परिस्थितीत सध्याच्या काळात व्यवसाय करण्यासाठी डिजिटल (Digital Business) पद्धतीची मदत घेता येईल. आजकाल अनेक लोकं अनेक प्रकारचे ऑनलाइन व्यवसाय करून लाखो रुपयांची कमाई करत आहेत. अशा परिस्थितीत, जर आपल्यालाही स्वतःचा व्यवसाय सुरू करायचा असेल आणि त्यासाठी आपल्याकडे जास्त पैसे नसतील तर ऑनलाइन रिसेलिंगचा (Online Reselling) व्यवसाय सुरू करता येईल.
ऑनलाइन रिसेलिंग म्हणजे काय? (Online Reselling)
सध्याच्या काळात ऑनलाइन रिसेलिंगसाठी मोठी बाजारपेठ उपलब्ध होते आहे. गेल्या काही काळापासून लोकांमध्ये याची क्रेझही वाढते आहे. अनेक लोकं अशी उत्पादने देखील खरेदी करत आहेत. ज्यामुळे ऑनलाइन रिसेलिंगद्वारे भरपूर पैसे (Money) कमवता येतील.
अशा प्रकारे करता येईल सुरुवात –
जर आपल्याला कपडे किंवा इतर कोणत्याही वस्तूची रिसेलिंग करण्यात रस असेल तर ऑनलाइन रिसेलिंगचा व्यवसाय आपल्यासाठी योग्य पर्याय ठरू शकेल. मात्र, इथे ही गोष्ट लक्षात घ्या कि, जर आपण या व्यवसायासाठी वेळ दिला तरच याद्वारे काहीही साध्य करता येऊ शकते. त्याच प्रमाणे, जर आपल्याला हवे असेल तर आपण सुरुवातीला हा ऑनलाइन रिसेलिंगचा व्यवसाय साइड बिझनेस म्हणून सुरू करू शकता आणि नंतर जसजसा व्यवसाय वाढेल तसा याला आपला पूर्णवेळचा व्यवसाय म्हणून देखील कन्व्हर्ट करू शकता.
अशा प्रकारे होईल कमाई –
कपड्यांच्या रिसेलिंगचा व्यवसाय सुरू करण्यासाठी आपल्याला कपडे खरेदी करून ते ऑनलाइन स्टोअर्स आणि वेबसाइट्सद्वारे विक्री करता येतील. याशिवाय, मोठ्या प्रमाणात कपडे खरेदी करून आणि आपली स्वतःची वेबसाइट किंवा सोशल मीडिया अकाउंट तयार करून रिसेलिंग करता येईल. अशा प्रकारे योग्य मार्जिनद्वारे विक्री करून चांगली कमाई करता येईल.
