Paytm Shares: 8 फेब्रुवारी रोजी पेटीएमचे शेअर्स 10 टक्क्यांनी घसरले आणि लोअर सर्किटला धडकले. तज्ज्ञांचे म्हणणे आहे की, यात आणखी चढ-उतार होऊ शकते. अनेक संस्थात्मक गुंतवणूकदार अजूनही शेअर्स विकू शकतात, कारण कदाचित ते सध्या स्टॉक थोडा वाढण्याची वाट पाहत असतील. त्याच वेळी, काही गुंतवणूकदार या घसरणीचा फायदा घेऊन दीर्घ मुदतीसाठी गुंतवणूक करण्याचा विचार करत असतील असेही काही जणांचे मत आहे.
Paytm मधील म्युच्युअल फंड आणि FPI ची गुंतवणूक:
31 डिसेंबर 2023 पर्यंत देशांतर्गत म्युच्युअल फंडांनी Paytm मध्ये 6.07 टक्के हिस्सा गुंतवला होता, तर FPI (Foreign Portfolio Investors) द्वारे 63.72 टक्के हिस्सा गुंतवण्यात आला होता. आजूबाजूला नजर फिरवली तर Morgan Stanley द्वारे 244 कोटींच्या शेअर खरेदी व्यतिरिक्त, Paytm मध्ये अलीकडे इतर कोणत्याही मोठ्या ब्लॉक डीलची नोंद केली गेलेली नाही(Paytm Shares).
अनिश्चिततेच्या काळात Paytmमधील गुंतवणूक: (Paytm Shares)
सूत्रांचा असा विश्वास आहे की सध्याच्या अनिश्चित काळात अनेक देशांतर्गत म्युच्युअल फंड पेटीएममध्ये नवीन गुंतवणूक करण्यास टाळाटाळ करतायत. त्याउलट, उच्च-निव्वळ मूल्य असलेले व्यक्ती आणि कौटुंबिक कार्यालये या कंपनीत गुंतवणूक करण्यात स्वारस्य दाखवत आहेत. काही म्युच्युअल फंड व्यवस्थापकही आपले Paytm मधील शेअर्स विकण्यास टाळाटाळ करत आहेत कारण त्यांना भीती आहे की विक्रीमुळे शेअरची किंमत आणखीनच घसरू शकते.
