Stock Market Today: सकारात्मक जागतिक संकेत, GDP चे उत्साहवर्धक आकडे आणि बँकिंग, मेटल आणि OMC कंपन्यांच्या शेअर्समधील तेजी यामुळे Sensex आणि Nifty 50 निर्देशांक सातत्याने तिसऱ्या सत्रातही वरच्या पातळीवर बंद झाले, यामुळे बाजारात पुन्हा एकदा तेजीचे वातावरण असल्याचे दिसले. आज पहिल्यांदाच, Nifty 50 हा निर्देशांक 22,300 च्या पार गेला, तर Nifty Bankने 47,000 चा टप्पा गाठला. त्याचबरोबर, Sensexनेही विक्रमगती गाठली असून तो 73,700 च्या पुढे गेला. या चढत्या बाजाराने गुंतवणुकदारांचे मन समाधानी केले आहे.
आज कसा होता बाजारी दिवस? (Stock Market Today)
आजच्या दिवसांत BSE Sensex 1.72 टक्क्यांनी वाढून 73,745.35 वर बंद झाला म्हणजेच, त्यात 1,245.05 अंकांची वाढ झाली आहे. त्याचबरोबर, Nifty 50 हा प्रमुख निर्देशांकही 1.62 टक्क्यांनी वाढून 22,338.75 वर बंद झाला. महत्वाची गोष्ट म्हणजे वाढीचा हा ट्रेंड फक्त मोठ्या कंपन्यांपुरताच मर्यादित राहिला नव्हता तर Nifty Small Cap 100 आणि Nifty Mid Cap 100 मध्ये अनुक्रमे 0.52 टक्के आणि 0.94 टक्क्यांची वाढ झाली.
Nifty मध्ये कोण होता सर्वोत्तम?
भारताच्या प्रमुख शेअर बाजार निर्देशांकांपैकी एक असलेल्या Nifty 50 मध्ये आज चढा-उतार पाहायला मिळाला. Nifty मधल्या 50 पैकी 37 कंपन्यांच्या शेअर्समध्ये वाढ झाली तर उर्वरित 13 कंपन्यांच्या शेअर्समध्ये घसरण झाली(Stock Market Today). टाटा स्टील, लार्सन अँड टूब्रो, ज्योति स्पेशल स्टील, टायटन कंपनी आणि इंडसइंड बँक यांच्या शेअर्समध्ये सर्वाधिक तेजी पाहायला मिळाली. मात्र दुसरीकडे डॉ रेड्डीज लॅब्स , इन्फोसिस, HCL Tech, सन फार्मा आणि ब्रिटानिया इंडस्ट्रीज यांच्या शेअर्समध्ये घसरण झाली.
